Tu sei qui: Attualità’E uttant’anne d’’o prufessore Palumbo
Inserito da (redazionelda), venerdì 8 marzo 2019 15:38:14
'E uttant'anne d''o prufessore Palumbo è il titolo dell'omaggio in versi che Enzo Del Pizzo, cantore della Costiera Amalfitana, ha dedicato al professor Vincenzo Palumbo, albergatore di Ravello, in occasione dei suoi 80 anni festeggiati il 2 marzo scorso.
Vincenzo 'o Prufessore
festeggia uttant'anne
Mò tutte quant''o ssanne,
grazie a'pubblicità!
E' sempe arzillo e vispo,
me pare 'nu trentenne:
'O meglio tiempo 'o spenne
stann'in attività!
Asciuto 'a dint''a scola
'o masto d''o ffrancese,
p''o bbene 'e 'stu paese,
s'è ffatto, embè, apprezzà'...
...facenne 'o vicesinneco,
ovèro a ttiempe chino.
"Pe' "colpa"d''o destino,
io haggia cummannà'!"
"E allora, jamm'annanze,
facevo 'o prufessore,
mò songh'albergatore,
cu'ccose belle 'a fa'!"
"E, primma cu 'o Giordano,
po' cu' Villa Maria,
è cchiù che liscia 'a via,
e 'a voglio camminà'!"
"Albergo primm''e tutto,
pe' fa' bella figura,
e io, senza paura,
me so' vuttato già!"
"Forse p''o personale
io rompo nott' e juorno,
ma chi me tène attuorno
cu'mme hadda truttà'!"
Allora, p''o lavoro,
ognuno s'impegnasse
'O prufessore, a spasse,
embè,nun ce sa' stà'!
Cucina assaje curata:
piatti sopraffini,
e ppò cu''e meglie vini
c'è sulo 'a 'nzuccarà'!
Perciò, a Santa Chiara,
vicino o' Munastero,
cu' Villa Eva, è vero,
'nu tocco 'e qualità!
'E figli 'o ssanno buono,
pe'lloro,chest'è pane:
a sta' cu''e mmane 'mmane
c'è niente 'a guaragnà'!
Cu'na famiglia 'nnanze,
c'è poco 'a girà' attuorno
Se vére addò fa juorno
e che ce sta 'a magnà'!
'O lietto già sta fatto
Vincenzo e Carla 'o ssanno
P''e figli tutto fanno,
e cchesti a rringrazià'!
A uttant'anne è tanto
Chello ca è ffatto è ffatto
Mò abbasta 'nu piatto
pe' ddì "So' sazio già!"
Perciò, io nun m'abbóffo,
m''a curo bbòna 'a pelle
'O sole, 'a luna, 'e stelle...
so' ccose 'a ricurdà'!
Pure 'e nepute 'o ssanno:
'O nonno ha dato tutto
Cu' 'o tiempo bello o brutto,
s'è dato, embè, da fa'!
"Mo simme buono esempio:
'nu vanto pe' Raviello,
addo',se sà, 'o cchiù bello
vò sempe triunfà'!"
"Nuje oggi festeggiammo
'o compleanno mio
E ancora, si vo' Dio,
putimmo replicà'!"
"Raviello, 'e Ccentenarie,
certo, l'ha sempe avute,
e nuje, cumpiaciute,
embè ce'hamma vantà'!
"Savuco, Assunta Ruocco
Turiello, Nunziatina
Granata Giuseppina
a lluongo camparrà!"
"E io me prenoto
Ce'arrivo facilmente
Tenitavelle a mmente :
'e vvoglio superà'!"
"Perciò, si permettete,
'a firma,embè,ce'ha metto
E io ccà v'aspetto.
Cercate 'e nun mancà'!!!"
Enzo Del Pizzo
Se sei arrivato fino a qui, significa che apprezzi il nostro impegno nel fornire notizie libere e accessibili a tutti.
Per garantire un ambiente sicuro per i nostri lettori, abbiamo rimosso tutta la pubblicità invasiva, i cookie e i tracciamenti di terze parti.
Tuttavia, per continuare a offrirti un'informazione di qualità, il tuo aiuto è fondamentale. Anche un piccolo contributo può fare la differenza.
Sostieni Il Vescovado!
Scegli il tuo contributo con
Per rimanere costantemente aggiornati con le notizie del Vescovado, in tempo reale sul tuo smartphone, scarica la App!
Per dispositivi Apple |
Per dispositivi Android |
![]() |
![]() |
rank: 102323104