Il Vescovado Costiera Amalfitana

di Enzo Del Pizzo

In questo triste giorno per la scomparsa di Paolo Rossi, eroe dell'Italia al Campionato del Mondo vinto in Spagna nel 1982, oggi ricordiamo tutti, con nostalgia, quell'impresa.

Grazie alla Tipografia Iovane di Atrani, la notte stessa del grande evento, 11 luglio 1982, tutti gli abitanti della Costiera ebbero tra le mani il testo che segue:

MUNDIAL '82

SIMME 'E MÈGLIE 'E TUTT' 'O MUNNO

Simme 'e mèglie 'e tutt' 'o munno

Cu' 'o pallone simm' è maste

'A Germania è ghiuta a ffunno

Dopp' avuto 'na batosta!

Mò l'Italia s' è scetata

Nun 'a ferma cchiù nisciuno

'Na mazzata è apparicchiata,

Dint' e ffòre, pe' cchiù dd' uno!

L'Argentina e 'o Brasile

Songhe nate p' 'o pallone?

Zoff, Rossi e po' Gentile

Ll' hanno dato 'na lezione!

'Stu Paese troppo bello

Scunquassato 'a l' inflazione

Nun se 'mporta 'e chesto o 'e chello

Campa sulo p' 'o pallone!

'A Polonia, puverella,

S'è spremuta fino a'morta

Ma s'è fatta 'a casciulella

Cu' ddoje palle dint' a' porta!

A benzina? Che ce 'mporta

ca mò costa tropp' assaje

'Nu pallone dint' 'a porta...

E te scuorde tutte 'e guaje!

Cu' Pablito robba bbona

Ce sta chi s' ha visto 'e brutto

Mo' l'Italia canta e ssòna

Mentre ll' ate stanno 'e lutto!

'E denare nun ce stanno

'A matina pe' ffa' 'a spesa?

Pane e acqua tutto l'anno!

Simme sazie pe' 'st' impresa!

'A 'sta Spagna d' 'e torère

Chesta Coppa ce purtammo

È 'nu suonno? No, è ovère!

È 'a nosta, e ce vantammo!

Doppo chesta bella estate

Se fa "caldo" l'autunno?

Paisà, nun ce penzate

Simme 'e mèglie 'e tutt' 'o munno!!!