Il Vescovado Costiera Amalfitana

Di Claudio Rispoli

Il racconto che segue è una leggenda immaginata da me, pensata per i miei compaesani amalfitani, e per tutta la gente di mare, che, come me, col mare hanno a che fare ogni giorno, per diletto, o per lavoro.

Parte da un'idea fantastica: che il mare, con i suoi moti misteriosi e impetuosi, sia in realtà il riflesso della rabbia del diavolo.

Un diavolo sconfitto e condannato a vivere negli abissi, dove si agita senza pace.

Le onde, le maree, le tempeste... tutto sarebbe il frutto della sua collera eterna, e perfino la salinità dell'acqua sarebbe sudore amaro del suo tormento.

Una favola poetica e un po' infernale, che guarda al mare con occhi antichi, pieni di mistero e meraviglia.

Il dialetto napoletano, contaminato sicuramente dalla mia origine amalfitana, insegue indegnamente, senza alcuna presunzione, lo stile del grande Eduardo De Filippo.

----------------------------------------------

‘A rraggia d' 'o diavolo

Quanne Adamo perdette ‘o Paraviso,

e ‘o Pateterno facette ‘a Eva nova nova,

‘o diavolo se ne fujette a mmare.

‘O mare, canusciute ‘a 'o nuovo ospite,

se rette ‘a ‘ntesa cu ‘o diavolo,

penzanno ca puteva addeventà a Luce o Dio pur'isso.

Ma ‘o mare , puveriello,

comme ‘o diavolo,

perdette ‘a posta

e avette ‘a medesima condanna a eterno movimento.

E accussì, ‘o mare,

fratello dannato d' ‘o diavolo,

nun se ferma cchiù, manco pe' respirà.

Tutt' ‘e scosse, tutt' ‘e fremite,

tutte ll'onne ca verimmo,

so' ‘e scatti ‘e furia ro mare e ‘e Lucifero ca,

accecato ra rragge ,

‘int' ‘o funne, senza pace,

s'agita comme ‘o pazzo

‘int' ‘a gabbia.

‘E maree?

Chelle so' ‘e suspire lente d'‘o diavolo,

quanno pensa a tutte chello ca perdette,

e tira e spigne ‘a riva ogni seje ore,

comme si volesse fa pace co' ‘o munno.

Ma nun ce riesce.

'Ll' onde?

So' ‘e scosse d' ‘o core suo,

quanno pensa a Dio,

e s' ‘nfuria,

se sbatte e s'arrevota,

e vo' fa mmuina pe' nun sentì ‘o silenzio eterno

d'‘a solitudine.

‘E cavallune?

Chelle so' ‘e vampate ‘ncopp' ‘o mare,

comme si Lucifero stesse scappanno,

ma senza ‘na via d'uscita.

‘E mareggiate?

So' ‘e jurnate ‘e raggia pura,

quanno ‘o diavolo pensa ca nisciuno se ricorda cchiù ‘e isso,

e allora chiamme ‘o mare pe fa guerre ‘a terra.

‘E tsunami?

Chille so' ‘e strille ‘e disperazione,

quanno ‘o diavolo, nchiuso ‘int' ‘e viscere d'‘a profondità,

perde ogni speranza

e s'ammuccia sott' ‘a crosta,

ma nun ce resiste,

e scatta ‘na furia

ca sbatte tutto.

E ll'acque salate d'‘o mare?

Nun è nient' ‘e cchiù

ca ‘o sudore 'e 'o diavolo.

‘Nu sudore amaro,

e 'na fatica eterna,

ca ogni notte,

senza rormere,

sure e sure,

pecché ‘a raggia

nun 'o rà requie.

E quanno ‘o mare sta calmo?

E pare ‘nu specchio senza respiro?

Nun è ca ‘o diavolo dorme,

pecché chillo nun dorme maje.

Ma ogni tanto, sulo ogni tanto,

s' assette a guardà ‘a rraggia soja,

comme chi guarda ‘nu panorama antico,

e pe' ‘nu minuto, s'arrecorda

ca pure isso, n'ata vota,

é stato angelo.

Accussì, quacche vvote ,

‘o mare nun è

sule acqua e basta.

È ‘na storia ‘e dannazione antica ,

É 'o specchio

d'‘a raggia eterna

che a nisciuno pare bella.

-----------------

Klaus di Amalfi

Salerno 5/6/2025